«Կոտայքի և Գեղարքունիքի ԿԿԹԿ» ՍՊԸ-ն գործունեություն է իրականացնում թափոնների կառավարման ոլորտում՝ նպատակ ունենալով ապահովել ժամանակակից, արդյունավետ և կայուն համակարգի զարգացումը Կոտայքի և Գեղարքունիքի մարզերում։
Ընկերությունը հանդես է գալիս որպես միասնական օպերատոր՝ Կոտայքի և Գեղարքունիքի մարզերի բնակավայրերում կոշտ կենցաղային թափոնների հավաքման և տեղափոխման, ինչպես նաև Հրազդանի սանիտարական աղբավայրի կառավարման ուղղություններով։
Մեր գործունեության հիմքում համայնքների մաքրության, շրջակա միջավայրի պահպանության, ծառայությունների որակի շարունակական բարելավման և թափոնների կառավարման ժամանակակից մշակույթի ձևավորման նպատակներն են։
Մենք աշխատում ենք համայնքների, տեղական ինքնակառավարման մարմինների, պետական կառույցների, կազմակերպությունների և բնակիչների հետ՝ նպաստելով թափոնների կառավարման համակարգի արդյունավետության բարձրացմանն ու երկարաժամկետ կայունությանը։
Մեր առաքելությունն է Կոտայքի և Գեղարքունիքի մարզերում ձևավորել և զարգացնել արդյունավետ, անվտանգ, հասանելի և կայուն թափոնների կառավարման համակարգ, որը կբարձրացնի համայնքների մաքրության մակարդակը, կնպաստի շրջակա միջավայրի պահպանությանը և կբարելավի բնակչությանը մատուցվող ծառայությունների որակը։
Մենք ձգտում ենք ոչ միայն ապահովել թափոնների պատշաճ հավաքումն ու տեղափոխումը, այլև ձևավորել պատասխանատու վերաբերմունք թափոնների նկատմամբ՝ խթանելով տեսակավորումը, վերամշակումը և թափոնների նվազեցման մշակույթը։
Մեր տեսլականն է դառնալ թափոնների կառավարման ոլորտում վստահելի, ժամանակակից և արդյունավետ կազմակերպություն, որը կիրառելով նորարարական և կայուն լուծումներ՝ նպաստում է Հայաստանի համայնքներում թափոնների կառավարման համակարգի շարունակական զարգացմանը։
Մենք ձգտում ենք ձևավորել այնպիսի համակարգ, որտեղ թափոնների կառավարումը դիտարկվում է ոչ միայն որպես աղբահանության ծառայություն, այլև որպես շրջակա միջավայրի պահպանության, հանրային առողջության, համայնքների բարեկեցության և կայուն զարգացման կարևոր բաղադրիչ։
«Կոտայքի և Գեղարքունիքի ԿԿԹԿ» ՍՊԸ-ի հիմնական գործունեությունն ուղղված է կոշտ կենցաղային թափոնների կառավարման ամբողջական և արդյունավետ կազմակերպմանը։
Ընկերությունն իրականացնում է՝
▪️ կոշտ կենցաղային թափոնների հավաքում և տեղափոխում,
▪️ թափոնների կառավարման ենթակառուցվածքների սպասարկում և կառավարում,
▪️ Հրազդանի սանիտարական աղբավայրի կառավարում,
▪️ թափոնների տեսակավորման և վերամշակմանն ուղղված ծրագրերի իրականացում,
▪️ տնտեսվարող սուբյեկտներից որոշակի տեսակների թափոնների հավաքում,
▪️ թափոնների կառավարման ոլորտում հանրային իրազեկման և կրթական ծրագրերի իրականացում։
Ընկերությունը գործունեությունն իրականացնում է՝ հաշվի առնելով համայնքների առանձնահատկությունները և բնակչության կարիքները՝ նպատակ ունենալով ապահովել մաքուր, անվտանգ և բարեկարգ բնակավայրեր։
Մեր գործունեության ընթացքում իրականացվել են բազմաթիվ ծրագրեր, որոնց արդյունքում աճել է տեսակավորված թափոնների քանակը և բարձրացել է համայնքների իրազեկվածությունը։ Մենք շարունակում ենք ընդլայնել մեր ազդեցությունը՝ ներդնելով նորարարական լուծումներ։
Մասնագետներ՝ ընդհանուր նպատակի շուրջ
